نظريه الاخضرار

عايزينها تبقى خضرا....الارض اللى فى الصحرا
ونقدمها لمصر هديه حاجه جميله ومعتبره....هيه ايه
الصحرااااااااااااااا
عباره اصطبحنا فى يوم اتلقيناها ماليه القنوات القوميه سألنا ايه دي قالولنا دا مشروع كبييييير قوي اسمه
مش عارف ايه كده باين توشكى
وبعدين شويه عملولها فقره كل يوم فى برنامج اصطبحى يا مصر اللى انا مكنتش بطيقه
دخلوه جوه الافلام والمسلسلات حتى بكار عملوله حلقتين فيه
كانو بيقولو عليها جنه المستقبل على ارض مصر......كانوا بقولو بردو انها هاتبقى الهرم الرابع
لدرجه ان اي حد مهم كان بيزور مصر كانوا بيوده هناك
قالو بردو ده المشروع اللى هايخلد اسم مبارك فى التاريخ ..وعشان كل ده كان لازم الكل يضحي
ما هو كله علشان مصر يا عمونا وعلشان مصر كله يهون (كفايه كده علشان كمان شويه هاقوم احيي العلم)
شويه الطماطم تغلى ..معلش اصل دي جايه من توشكى عقبال عندك ولازم نشجع الانتاج
علشان المشروع يقف على رجله (تقريبا المشروع كان مكسح)..وماله لازم نتنازل شويه
قالو خدلك فدنين فى توشكى وازرع يا معلم والبليه هاتلعب معاك وهاتبقى قشطه
انزلوا الصحرا خللوا عين أبوكوا تطلع و العقارب و الطريشة تخلصنا منكوا
اول شهر مفيش حاجه ..قالو معلش نسيب الارض براحتها لسه مش واخده ع الزراعه
واتحملنا صعاب الصحرا...كله عشان مصر يااض اومال ايه
وهوبااااااااااااااااا كووووووووول ده اختفى
ايه يا عم فين هرمنا محدش بيرد
طب الفلوس والمليارات اللى اتصرفت علشان مصر راحت فين قالو احنا وقفنا المشروع علشان مصر
ياااااااااااااااه قد كده بتحبوا مصر صدقو كنا هانظلمكوا
قالو عن توشكىبعد الاختفاء
قالو بلا زراعه بلا بتاع احنا نمد نهر صناعيى لاخوانا فى ليبيا ونبعيلهم الميه باللتر ونقب على وش الدونيا يا معلم
ناس تانيه قالو انهم اتلقوا حاجه غريبه جدا فى الارض اتلقو ان الارض انتاجها فى البانجو يفوق انتاج جميع
المحاصيل (ارض عامله دماغ بصحيح) فأجروها للبدو هناك من باب ادي العيش لخبازه علشان زياده الكيف فى
البلد انت عارف ان الحكومه تحب ان الشعب يبقى عامل دماغ علطول
قالو بردو انهم تعاقدو مع جهه اجنبيه(قشطه يعنى عمله صعبه يا معلم)انهم يجيبو عندنا شويه براميل مقفوله وهاتدفن هناك ولا من شاف ولا من دري .
تبقى كل هذه اشاعات لكن الحقيقه عندي انا
الحقيقه ان سياده الريس ببصيرته كان باصص لبعيد فقال يوقف المشروع شويه علشان فيه ناس
بدأت تبص للموضوع
والحاجات دي بتتنظر ياخويا انت عارف
واهو من جهه تانيه يفكر لنا فى مشروع تانى يأمن لنا بيه مستقبلنا يعنى مثلا يدخلنا النووي
الله عليك يا ريسنا يا مهشتكنا(الهشتكه هى اداه لتعذيب المواطن المصري)

اه
بالنسبه لاغنيه عايزينها تبقى خضرا
فدي اغلب الظن فيها توريه المعنى القريب هو اخضرار الارض
اما المعنى البعيد والمقصود فهو اخضرار حسابات البنوك واعتقد ان دي اتحققت

حرام عليكم دم الغلابة تبيعوه ........لا أعرف شكك ولا نقدية
لا .. لآ إحنا عملنا توشكى ........والنبى إية؟ ... عينك فى عنيه
دة البترول رهنوه والغاز باعوه ........ومفضلش غيرالهوا والميه